د تورپاختو کانال د پروژې د کانکرېټ اچولو له بهیر څخه تخنیکي څارنه ترسره شوه
۱۴۴۷/۹/۱۴
فاریاب ولایت کې د کور او ښار جوړولو محترم ریاست د تخنیکي او مسلکي ټیم له لوري د تورپاختو کانال د پروژې د کانکرېټ اچولو له روانو چارو لیدنه او تخنیکي څارنه وکړه.
د ورکړل شوو معلوماتو له مخې، د پروژې چارې د منظور شوو نقشو او انجنیرۍ معیارونو سره سم پر مخ وړل شوې دي.
د لیدنې پر مهال، قراردادي شرکت ته لازمې لارښوونې وشوې او ټینګار دا و چې د پروژې په ټولو کاري پړاوونو کې باید د نظارتي او مراقبتي انجینرانو دوامداره حضور یقیني شي.
همداراز څرګنده شوه، چې د نظارتي انجینرانو له شتون پرته دې په پروژه کې هېڅ ډول اجرایي کار نه ترسره کېږي؛ که چېرې له دې لارښوونې سرغړونه وشي، راتلونکی مسؤلیت به د قراردادي شرکت پر غاړه وي.
د فاریاب د کور او ښار جوړولو محترم ریاست، د تخنیکي معیارونو پر رعایت او د پروژو پر دقیق نظارت ټینګار کړی او موخه یې د کیفیت تضمین، د فني اصولو پلي کول او د انکشافي پروژو شفاف تطبیق دی.
