په سرپل ولایت کې د ملي راډيو ټلویزیون د تعمیر ودانیزې چارې و څارل شوې
۱۴۴۶/۸/۲۱
د سرپل ولایت د کوراوښارجوړولو وزارت محترم رئیس داملامحمد نور نوراني وایي، د دې ریاست اړوند د تخنیکي ټيم لخوا د ملي راډیو ټلویزیون د تعمیر له ودانیزو چارو څارنه تر سره شوه.
ښاغلي ملا نوراني وویل، د یاد تعمیر د نلدوانۍ، پخلنځي او سرامیک د نصب چارې روانې وې چې ترې څارنه تر سره شوه.
د نوموړي په خبره، د دې پروژې چارې د نقشې مطابق روانې وې، چې قراردادي شرکت ته سپارښتنه وشوه تر څو چارې په ټاکلي وخت کې سرته و رسوي.
