د کابل - لوګر عمومي سړک ته څېرمه د یوه مسجد شريف ډبره کېښودل شوه
۲۵/۱/ ۱۴۴۴ د لوګر ولایت د ښار جوړولو او ځمکو ریاست د کابل – لوګر د عمومي سړک په غاړه د یو مسجد شریف ډبره کېښوده . د لوګر ولایت د ښار جوړولو او ځمکو ریاست وایي، دا جامع جومات به د لسګونو نارینه او ښځینه لمونځ کوونکو ظرفیت ولري، چې د اوبو او تشنابونو اسانتیاوې یې هم په پام کې نیول شوي دي . ټاکل شوې چې دغه جومات د ملي پرمختیايي خیریه مؤسسې له خوا په باکیفیته ودانیزو توکو جوړ شي. د ښار جوړولو او ځمکو وزارت د جوماتونو، کلینکونو، روغتونونو، پوهنتونونو او د دولتي ادارو د ترمیم پلان او طرحه جوړوي او بیا یې د دولتي ادارو په غوښتنه د هغې د جوړولو څارنه کوي.
