په لوګر ولایت کې د راستنېدونکو مهاجرو کورنیو لپاره د دایمي مېشتېدنې کمېټې غونډه ترسره کړه
۱۴۴۷/۹/۸
لوګر ولایت کې د راستنېدونکو مهاجرو کورنیو لپاره د دایمي مېشتېدنې کمېټې ناسته، د دغه ولایت د محترم مرستیال والي الحاج مولوي محمد انور دین پرور په مشرۍ ترسره شوه.
لوګر ولایت کې د کور او ښار جوړولو محترم رئیس مولوي مطیع الله زاهد، د راستنېدونکو مهاجرو کورنیو لپاره د دایمي مېشتېدنې کمېټې غړو ته، د راستنېدونکو کورنیو د اسنادو د ارزونې څرنګوالي، د مهاجرینو ښارګوټي د درېیم پړاو تفصیلي پلان، د نوې ساحې د ټاکلو بهیر او په ښارګوټي کې د عامالمنفعه تأسیساتو د جوړولو په اړه هر اړخیز معلومات وړاندې کړل.
نوموړي زیاته کړه، د راستنېدونکو لپاره د ځمکو «نمرو» د وېش بهیر په جدي او منظم ډول روان دی.
د دین، هېواد او خلکو پر وړاندې خپلو تعهداتو ته ژمن پاتې کېدل، د راستنېدونکو د ستونزو د حل لپاره په اخلاص هڅې کول، او خلکو ته د تلپاتې هوساینې او ارام ژوند زمینه برابرول، هغه موارد وو، چې په دغه ناسته کې پرې ټینګار وشو.
د یادې کمېټې له غړو غوښتنه وشوه، چې خپلې دندې په بشپړ صداقت او شفافیت ترسره کړي او د مهاجرو وګړو حقونه په عادلانه توګه تأمین کړي.
د کور او ښار جوړولو وزارت هڅې پیل کړي، چې په کور دننه د مراستنېدونکو مهاجرو کورنیو لپاره د باعزته ژوند د پیل زمینه برابره کړي او منظم ښاري سیستم فعال کړي.
