په لغمان ولایت کې د مهاجرینو د ښارګوټي د سړک جوړولو چاري پیل شوې
۱۴۴۷/۶/۴
لغمان ولایت کې د کور او ښار جوړولو ریاست محترم رئیس مولوي حسین احمد تېلوي وایي، په دغه ولایت کې د مهاجرینو د ښارګوټي اړوند د سړکونو د جوړولو او خدماتو برخې چارې پیل شوې.
ښاغلی مولوي تېلوي وایي، د سړک جوړولو دا لړۍ به د خلکو د تګ راتګ او لېږد رالېږد اسانتیا ډېره کړي، د سوداګرۍ او اقتصاد کچه به لوړه کړي د نورو خدماتو لپاره به زمینه برابره کړي.
نوموړی وایي، اوسمهال د سړک خامه چارې، جغل اچول او لومړني کارونه پر مخ روان دي چې ورځ بلې ته پرمختګ وکړي.
محترم مولوي حسین احمد تېلوي هیله څرګندوی چې د سړکونو جوړولو او عامه خدمات به پّ لغمان ولایت کې د بېرته راستنېدونکو اړمنو مهاجرو کورنیو په ژوند کې مثبت تغیرات راولي او د یاد ښارګوټي د زیربنایي وضعیت د ښه کېدو لامل به شي.
