په فریاب ولایت کې د چیک ډیم له ودانیزو چارو څارنه وشوه
۱۴۴۵/۱۰/۲۸
په فاریاب ولایت کې د چیک ډیم له ودانیزو چارو څارنه وشوه.
د فاریاب ولایت د کور او ښار جوړولو ریاست محترم رئیس مولوي خال میرزا ذوالفقار وايي، د دې ریاست د تخنیکي ټیم لخوا د کوهستان ولسوالۍ د چیک ډیم له ودانیزو چارو څارنه وشوه.
ښاغلي ذوالفقار وویل، یاد چیک ډیم د فاریاب ولایت په کوهستان ولسوالۍ کې موقعیت لري، ودانیزې چارې یې څلویښت سلنه بشپړې شوې، چې د دې چیک ډيم چارې د معیاريتوب او ښه کیفیت په موخه د کور او ښار جوړولو ریاست د مسلکي انجنیرانو لخوا څارل کیږي.
د کور او ښار جوړولو وزارت مسلکي ټيمونه په مرکز او ولایتونو کې د ودانیزو پروژو له چارو څارنه کوي، تر څو یې چارې په ښه کیفیت او معیار برابرې سرته ورسیږي.
