لوګر کې څه باندې ۲۳۳ زره جریبه دولتي ځمکه سروې او ثبت شوه
ښار جوړولو او ځمکو وزارت د دولتي ځمکو برنامې د پلې کېدو پر مهال د لوګر ولایت اړوندو سېمو په ۲۵۵ قطعو کې ۲۳۳۴۳۵ جریبه دولتي ځمکه او ملکیتوته سروې او ثبت کړي دي.
له دې شمېر څخه، ۲۲۴۲۹۲ جریبه سپينه دولتي ځمکه او پاتې ۹۱۴۳ جریبه د دولت تر استفادې لاندې عامه ملکیتونه دي چې د دې ولایت په مرکز او بیلابیلو ولسوالیو کې سروې او ثبت شوي دي.
ښار جوړلو او ځمکو وزارت تر دې دمه د هېواد په ۲۸ ولایتونو کې ۶ مېلیونه، ۴۳۸ زره او ۳۴۹ جریبه دولتي ملکیتونه او ځمکې چې ۶۶۵۱ قطعې کېږي، سروې او ثبت کړي او دا وزارت ژمن دی چې د دې پروسې له لارې په هېواد کې د حکومت سترو پرمختیايي او اقتصادي پلانونو پلي کېدو ته زمینه برابره کړي.
