له ښار جوړولو او ځمکو وزارت سره د پلازمېنې د پراختیا زون د ادغام چارې به ډېر ژر بشپړې شي
29/10/1443
د ښار جوړولو او ځمکو وزارت محترم مالي او اداري مرستیال حافظ محمد امین فاروقي په مشرۍ له ښار جوړولو او ځمکو وزارت سره د پلازمېنې د پراختیا زون ادارې د ادغام کمېټې ناسته وکړه.
په دغه ناسته کې خبرې وشوې چې څنګه کېدای شي د پلازمېنې د پراختیا زون ادارې د بشري سرچینو، مالي، تدارکاتي او نورو برخو تشکیلات له ښار جوړولو او ځمکو وزارت سره له زیان پرته مدغم شي.
د کمېتې ګډونوالو هر یو خپل نظریات او وړاندیزونه شریک کړل او تر ډېر ټینګار پر دې و چې مسلکي او علمي کادرونه باید د وزارت په تشکیل کې راشي.
د ښار جوړولو او ځمکو وزار محترم مالي او اداري مرستیال حافظ محمد امین فاروقي ګدونوالو ته سپارښتنه وکړه چې دغه پروسه دې ژر پای ته ورسوي او هر ګام دې په پوره احتیاط او پاملرنه پورته کړي.
