شیخ حمدالله نعماني پکتیا کې د مهاجرینو ښارګوټي لپاره پلان ویزه کړ
۱۴۴۶/۰۸/۲۱
د کور او ښار جوړولو وزارت محترم سرپرست وزیر الحاج شیخ حمدالله نعماني په خپل کاري دفتر کې د پکتیا ولایت په مرکز کې د مهاجرینو ښارګوټي جوړولو په موخه ترتیب شوی پلان ویزه (تائید) کړ.
د کور او ښار جوړولو وزارت د عملیاتي چارو کمېټې محترم مشر حافظ انجنیر محمد یوسف لطیف وایي، د اجباري راستنېدونکو اړمنو کورنیو لپاره د ښارګوټو د تفصیلي پلانونو جوړولو په لړ کې یې دا ځل پکتیا کې د مهاجرینو لپاره د ښارګوټي جوړولو په موخه تفصیلي پلان ترتیب او ویزه شو.
دغه پلان په نولس سوه او شپږ څلویښت (1946.382) جریبه ځمکه کې جوړ شو چې، اته سوه او شپږ اتیا (886) استوګنیزې نمرې لري او د ژوند کولو نورې اسانتیاوې هم په کې په پام کې نیول شوي دي.
ښاغلی انجنیر لطیف وایي، د کور او ښار جوړولو وزارت د عملیاتو چارو کمېټې ټول غړي ژمن دي چې، ورسپارل شوې دندې په خپل وخت او ښه کیفیت او معیار سرته ورسوي، تر څو هېوادوالو ته ارزښتمن خدمات وړاندې شي.
