د ښاري ځانګړو نقشو لپاره د کمیسیون ناسته وشوه
۱۴۴۴/۰۶/۱۸
د ښاري ځانګړو نقشو لپاره د کمیسیون ناسته د کور او ښار جوړولو وزارت د محترم مرستیال شیخ مدارعلي کریمي په مشرۍ وشوه، چې په دې ناسته کې د پکتیکا ولایت د ښرنې ښار لپاره د خلکو په غوښتنه د سوداګریزو بلاکونو، د موټرو تمځایونو، د شته کاریز او نورو موضوعاتو په اړه نظرونه شریک شول.
د کمېسیون په ناسته کې د خلکو لخوا په مطرح شوو وړاندیزونو، تخنیکي او حقوقي بحث وشو او نظرونه تبادله شول.
د کور او ښار جوړولو وزارت د ښاري چارو مرستیال د متخصصینو او انجنیرانو لخوا د تر سره شوو کارونو ستاینه وشوه او زیاته یې کړه، چې باید د خلکو نظرونه او وړاندیزونه هم په پام کې ونیول شي او غوښتنو ته یې ځای ورکړل شي.
په ناسته کې پرېکړه وشوه چې تخنیکي او مسلکي هیئت به سیمې ته ولاړ شي او ساحه به له تخنیکي او حقوقي پلوه وڅیړي.
