په هرات ښار کې د ښاري سرغړونو د مخنیوي په موخه د شپږمې ناحیې له ودانیو څخه څارنه ترسره شوه
۱۴۴۷/۱/۲۷
د کور او ښار جوړولو وزارت د ښاري سرغړونو رئیس مولوي عبدالمنان حقاني وایي، چې د یاد وزارت د تخنیکي ټیم له خوا د هرات ښار په شپږمه ناحیه کې له یو شمېر ودانیزو پروژو څخه څارنه ترسره شوې، چې په ترڅ کې یې ګڼې ښاري سرغړونې ثبت شوې دي.
د هرات ولایت د کور او ښار جوړولو ریلست محترم رئیس انجنیر عبدالله اکبري وایي، د څېړنو له مخې، ګڼې ودانۍ پرته له رسمي نقشې او د اړوندو ادارو له اجازې پرته جوړې شوې دي.
د نوموړي په خبره، دا په داسې حال کې ده، چې د ښاري پلان له مخې باید دغه ساحه د ښځو لپاره د تفریحي پارک په توګه پاتې وای، خو اوس یې ځای د استوګنې غیرقانوني کورونو نیولی دی.
ښاغلی حقاني همداراز وایي، په یو شمېر ودانیو کې د نقشې خلاف اضافي پوړونه جوړ شوي، چې دا عمل د ښاري اصولو او ساختماني مقرراتو سره په ټکر کې دی.
د ښاري سرغړونو ریاست مسؤولین ټینګار کوي چې له ټولو هغو جوړښتونو سره چې د پلان خلاف، د نقشې خلاف د انجنیري نورمونو خلاف کار شوی وي، قانوني چلند به ور سره وشي او د ښاري نظم د ساتنې لپاره به څارنې دوام ومومي.
