د سانچارک ولسوالۍ د اوقاف کلان کلي د استنادي دېوال له چارو څارنه وشوه
۱۴۴۷/۴/۲۱
سرپل ولایت کې د کور او ښار جوړولو ریاست محترم رئیس مولوي محمد نور نوراني وایي، د ریاست اړوند تخینکي ټیم یې د دغه ولایت په سانچارک ولسوالۍ کې د اوقاف کلان کلي د استنادي دېوال د چارو د پیل او پرمختګ څارنه وکړه.
ښاغلی مولوي نوراني وایي، تخنیکي ټیم یې په دغه ولایت کې د انکشافي چارو د څار کمېټې په ملتیا، د سانچارک ولسوالۍ د اوقاف کلان کلي د استنادي دېوال د پروژې د څارنې او پرانیستې په موخه یادې سیمې ته سفر وکړ.
نوموړی واي، په لومړي پړاو کې، د پروژې له قراردادي شرکت او د سیمې له اوسېدونکو سره کتنه وشوه، وروسته د یادې پروژې د عملي کار بهیر له نږدې وکتل شو.
محترم مولوي نوراني زیاته کړه، د څارنې ټیم له خوا قراردادي شرکت ته د کار د کیفیت د ښه والي په موخه لازمې او اړینې لارښوونې او اصلاحی وړاندیزونه وشول.
سرپل ولایت کې د کور او ښار جوړولو ریاست وایي، په دغه ولایت کې د پروژو د کیفیت او معیار خوندیتوب برخه کې یې جدي دي او هڅې یې پیل کړي چې منظمه ښاري پراختیا رامنځته شي.
