په زابل کې د دوه ښوونځیو رغنیزې چارې دوام لري
ښارجوړولو او ځمکو وزارت د زابل ولایت په شاه جوی ولسوالۍ کې د باره خیل ۱۰ صنفي ښوونځي رغنیزې چارې ۸۰ سلنه او همداراز د دې ولایت په مرکز قلات ښار کې د خالا اته صنفي ښوونځي رغنیزې چارې ۸۵ سلنه بشپړې کړي دي.
د باره خیل ۱۰ صنفي ښوونځی په ۴۳۵ متر مربع ځمکه کې په دوه پوړونو د ۲۶ میلیونه او ۶۰۰ زره افغانیو په ارزښت او همداراز د خالا اته صنفي ښوونځی په ۷۲۹ متر مربع ځمکه کې په یو پوړ د ۲۰ میلیونه او ۹۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د ویلو ده چې د هېواد په کچه د ښوونځیو جوړول د ښارجوړولو او ځمکو وزارت په کاري لومړیتوب کې ځای لري او دا وزارت په پام کې لري د خصوصي سکټور په همکارۍ په ولایاتو کې د ښوونځیو جوړولو چارې چټکې کړي.
###
