کندوز ولايت کې د خواجه غلطان ښوونځي لپاره د ودانۍ جوړولو چارې به په نږدې راتلونکي کې بشپړې شي
ښار جوړولو او ځمکو وزارت د کندز ولايت په مرکز کې د خواجه غلطان شپږ صنفي ښوونځي لپاره د ودانۍ جوړولو چارې ۹۶ سلنه بشپړې کړي او په نږدې راتلونکي کې به يې ګټې اخېستنې ته وسپاري.
دا ودانۍ د ښار جوړولو او ځمکو وزارت د عامه او دولتي ساختمانونو برنامې له لارې په ۱۰ ميليونه او ۲۰۰ زره افغانيو رغول کيږي.
د ښوونځي لپاره د دې ودانۍ په جوړېدو سره به په سيمه کې د زدهکوونکو او ښوونکو لپاره ارام او مناسب ښوونيز چاپېريال برابر شي او نورې کورنۍ به هم وهڅيږي چې خپل ماشومان ښوونځيو ته وليږي.
