په کابل ښار کې د الشفاء روغتون له ودانیزو چارو څارنه وشوه
۱۴۴۷/۱۰/۱۱
د کور او ښار جوړولو وزارت اړوند، د ساختماني او زیربنایي پروژو د څار ریاست تخنیکي ټیم د کابل ښار د الشفاء روغتون له ودانیزو چارو له روانو فعالیتونو څخه تخنیکي څارنه ترسره کړه.
دغه څارنه د کور او ښار جوړولو وزارت، د ښاري سرغړونو د مخنیوي او د پروژو د تطبیق د څار د عمومي ریاست په لارښوونه ترسره شوې ده.
د څارنې پر مهال څرګنده شوه، چې د ودانۍ مختلفې برخې لکه د څلورم پوړ د پایو کانکریټ اچونه او د موټرو د تمځای ودانۍ د پایو کارونه په معیاري ډول بشپړ شوي او د کانکریټ کیفیت د لازمو ټسټونو له لارې ارزول شوي دي.
تخنیکي ټیم قراردادي شرکت ته لارښوونه وکړه، چې ټول کارونه د منظور شوو مشخصاتو، ملي معیارونو او د خوندیتوب اصولو سره سم ترسره کړي.
د کور او ښار جوړولو وزارت ټینګار کوي، چې د ټولو پروژو تطبیق باید د کیفیت، دوام او امنیت د تضمین په موخه دقیق او معیاري وي.
