په لغمان ولايت کې له ۳ زرو جريبو څخه زياته دولتي ځمکه استرداد شوه
د ښار جوړولو او ځمکو وزارت د دولتي ځمکو د استرداد لړۍ په دوام په لغمان ولايت کې ۳۶۷۸ جريبه دولتي ځمکه د غاصبينو له منګولو خلاصه کړه.
له دې ډلې څخه ۱۲۲۰ جريبه ځمکه د لغمان ولايت په مرکز، ۶۳۹ جريبه په علينګار ولسوالۍ، ۱۳۰۰ جريبه په قرغهيي ولسوالۍ او ۵۱۹ جريبه دولتي ځمکه په عليشنګ ولسوالۍ کې استرداد شوې ده
ښار جوړولو او ځمکو وزارت په ټول هېواد کې تر اوسه ۵۰۰ زره جريبه ځمکه د غاصبينو له منګولو خلاصه کړې او ورسره جوخت يې د ۱۸۸۲۳ غاصبينو ليست هم عدليي او قضايي ارګانونو ته سپارلی دی.
