په فراه ښار کې د ودانیزو چارو څارنه ترسره شوه
۱۴۴۷/۰۸/۲۳
د کور او ښار جوړولو وزارت د ښاري سرغړونو د مخنیوي د عمومي ریاست د لارښوونې له مخې، د فراه ولایت دکور او ښار جوړولو ریاست د تخنیکي ټیم له لوري د فراه ښار په درېیمه او پنځمه ناحیه کې د غیرقانوني او د تفصیلي پلانونو خلاف ساختماني فعالیتونو د مخنیوي په موخه ساحوي څارنه ترسره شوه.
د ترسره شوې څارنې او تخنیکي ارزونې پر مهال، د ښاري قوانینو او نافذه مقرراتو خلاف د کومې سرغړونې نښې ونه موندل شوې، او یادې سیمې د تطبیق وړ تفصیلي پلانونو سره سم و ارزول شوې.
د کور او ښار جوړولو ریاست ټینګار وکړ، چې هر ډول ساختماني فعالیت له قانوني جواز پرته او یا د تفصیلي پلانونو خلاف، په کلکه منع دی، او له متخلفینو سره به د نافذه قوانینو او مقرراتو له مخې قانوني چلند وشي.
د یادونې وړ ده، چې د کور او ښار جوړولو وزارت د ښاري سرغړونو د مخنیوي عمومي ریاست په همغږۍ، د ښارونو د منظم پرمختګ، د ښاري نظم د ټینګښت او د ناقانونه جوړښتونو د مخنیوي په موخه دا ډول څارنې په دوامداره توګه ترسره کوي.
