په غور کې د ښاري سرغړونو څارنه تر سره شوه
۱۴۴۷/۰۷/۱۶
د کور او ښار جوړولو وزارت د ښاري سرغړونو د مخنیوي د عمومي ریاست د لارښوونې له مخې، د غور ولایت د مور او ښار جوړولو ریاست د ښاري سرغړونو ټیم د فیروزکوه ښار د هریرود شمالي او جنوبي ساحو څېړنه وکړه.
څېړنې وښودله چې ځینې استوګنیزې ساحې په عمل کې د سوداګریزو فعالیتونو لپاره کارول کېږي.
د ساحې مالکان او کاروونکو ته هدایت ورکړل شوی چې خپلې ساحې د پلان سره سم برابرې کړي، که نه، د قانوني مسؤلیت ټول بار به پر دوی وي.
د کور او ښار جوړولو وزارت د ښاري سرغړونو د مخنیوي د عمومي ریاست له خوا په هېواد کې دوامدار څارنه ترسره کېږي، تر څو ښارونه د پلان مطابق او د خلکو د حقونو ساتنې سره پرمختګ وکړي.
