په ۱۷مه ناحیه کې د ښاري سرغړونو په موخه څارنه تر سره شوه
۱۴۴۷/۰۷/۲۷
د ښاري تخلفاتو د مخنیوي او د پروژو د تطبیق د څارنې ریاست اړوند د پوهاوي او نظارت ټیم ، د کابل ښار ۱۷مې ناحیې (طلایي ښارګوټي او حاجي ادروګل ښار ګوټي څخه لیدنه وکړه.
د څارنې پر مهال هغو مالکینو او جوړوونکو ته پوهاوی ورکړل شو، چې دوکانونه، رستورانتونه او نورې ودانۍ یې د تفصیلي پلان خلاف او په خپل سري ډول د کوتل له سړکه تر پایه پورې جوړې کړې دي، هغوی ته په رسمي ډول خبر ور کړل شو، چې د ۱۵ ورځو په موده کې دې خپلې غیرمجازې ودانۍ تخلیه یا اصلاح کړي، او له ټاکلې مودې وروسته به د شکایت حق نه لري.
د ښاري نظم ټینګښت، د ښار جوړولو د قوانینو پلي کېدل او د پروژو د تطبیق څارنه د ښاري تخلفاتو د رسیدګۍ ریاست له اساسي موخو څخه دي، دا ریاست هڅه کوي، چې د ناقانونه ساختماني پراختیاوو مخه ونیسي او ښاري پرمختګ معیاري کړي.
