نیمروز ولایت کې د څو پروژو سکېچ، براورد ترسره او تخنیکي اسناد یې ترتیب شول
۱۴۴۵/۱۲/۲۹
نیمروز ولایت کې د کور او ښار جوړولو ریاست محترم رئیس مولوي عبدالجبار یاسیني وایي، د ریاست اړوند تخنیکي او مسلکي ټیم یې په دغه ولایت کې په درې بېلا بېلو پروژو کې کار وکړ.
ښاغلی مولوي عبدالجبار یاسیني وایي، د نیمروز ولایت د محترمې ښاروالۍ د غوښتنې پر اساس یې په دغه ښار کې د قیر اچولو د یوې پروژې تخنیکي اسناد ترتیب کړل.
نوموړی وایي، دغه راز یې په یاد ښار کې د لومړنۍ محکمې د نظامي منسوبینو د تعمیر د ترمیماتو لومړنی براورد ترسره کړ.
دغه راز، د نیمروز ولایت په دلارام ولسوالۍ کې د (NCHC)کلېنیک د جوړولو په موخه سکېچ او کروکي ترسره شوه.
د کور او ښار جوړولو وزارت په ولایتونو او ولسوالیو کې د پروژو د ښه تطبیق په موخه لومړني براوردونه، سکېچ او کروکي کوي، تر څو د پروژو د تطبیق لپاره زمینه برابره شي.
