فاریاب کې دوه تعلیمي پروژې ګټې اخیستنې ته وسپارل شوې
ښارجوړولو او ځمکو وزارت د فاریاب ولایت په شرین تګاب ولسوالۍ کې د هلکانو او د انجون لومړني دوه اته صنفي ښوونځیو رغنیزې چارې بشپړې او ګټې اخیستنې ته یې وسپارل.
د هلکانو لومړنۍ اته صنفي ښوونځی په ۵۴۲ متر مربع ځمکه کې په دوه پوړونو د ۲۲ میلیونه او ۱۰۰ زره افغانیو په ارزښت او د انجونو لومړنی اته صنفي ښوونځی په ۵۴۲ متر مربع ځمکه کې په دوه پوړونو د ۳۲ میلیونه او ۹۰۰ زره افغانیو په ارزښت د پوهنې وزارت له پراختیايي بودیجې جوړ شوی دی.
د هېواد په کچه د ښوونځیو جوړول د ښارجوړولو او ځمکو وزارت کاري لومړیتوب دی او دا وزارت په پام کې لري د خصوصي سکټور په همکارۍ د ولایاتو په کچه د ښوونځیو جوړولو چارې ګړندۍ کړي.
###
