د کونړ ولايت د اداري کمپلکس پروژې لپاره د ځمکې سروې پيل شوه
ښار جوړولو او ځمکو وزارت د کونړ ولايت اوسېدونکو لپاره د چټکو، اسانه او شفافو خدماتو د وړاندې کولو په موخه د دې ولايت د اداري کمپلکس د جوړولو لپاره سروې پيل کړه.
ټاکل شوې د دې اداري کمپلکس لپاره د مرورې ولسوالۍ په لاهور سيمه کې ۱۰۰ جريبه ځمکه ځانګړې شي چې د دولتي ادارو د دويم واحد په توګه به ۵۵ ودانۍ ولري.
د دې پروژې په پلي کېدو سره به د حکومت سکتوري بنسټونو تر منځ د همغږۍ کچه پراخه، دولتي کارکوونکو ته به مناسب چاپېريال برابر او خلکو ته به په اسانه او شفاف ډول خدمات وړاندې شي.
