د کور او ښا ر جوړولو وزارت سرپرست د خواجه رواش ښارګوټي له اوسېدونکو سره وکتل
۱۴۴۴/۰۴/۲۷
کابل کې د خواجه رواش ښارګوټي یو شمېر اوسېدونکو د کور او ښار جوړولو وزارت له محترم سرپرست وزیر مولوي حمدالله نعماني سره وکتل او خپلې ستونزې یې ورسره شریکې کړې.
د خواجه رواش ښارګوټي اوسېدونکو په دغه ښارکوټي کې د اوسني وضعیت په اړه معلومات وړاندې کړل او د کور او ښار جوړولو له وزارت یې غوښتنه وکړه، چې د شته ستونزو د حل او ساتنې او پالنې برخه کې ورسره همکاري وکړي.
د کور او ښار جوړولو وزارت محترم سرپرست مولوي حمدالله نعماني وویل: د خواجه رواش ښارګوټی د ملي پراختیا محترمې ادارې ته انتقال شوی، چې په وینا یې د یاد ښارګوټي د شته ستونزو د حل په موخه باید ورسره خبرې وشي.
دغه راز مولوي حمدالله نعماني وویل، د خواجه رواش ښارګوټي د ساتنې او پالنې برخه کې به یې وزارت خپلو همکاریو ته دوام ورکړي.
