د کور او ښار جوړولو وزیر کندهار ولایت ته سفر وکړ
۱۴۴۷/۵/۸
د کور او ښار جوړولو وزارت محترم وزیر الحاج مولوي نجیب الله حیات حقاني، کندهار ولایت ته سفر وکړ او هلته یې په دغه ولایت کې د کور او ښار جوړولو له ریاست لیدنه او ارزونه وکړه.
ښاغلي وزیر د کندهار ولایت د کور او ښار جوړولو ریاست له محترم رئیس مولوي عبدالمتین او د دغه ریاست له کار کوونکو سره لیدلي او د شته وضعیت جاج یې اخیستی دی.
د کور او ښار جوړولو ریاست محترم رئیس مولوي عبدالمتین او د دغه ریاست کار کوونکو محترم وزیر ته د ښه راغلاست ترڅنګ د خپل ریاست اړوند فعالیتونو، لاسته راوړنو، شته وضعیت او ستونزو په اړه معلومات وړاندې کړي او په یو شمېر چارو کې یې د لارښوونې غوښتنه وکړه.
محترم وزیر الحاج مولوي نجیب الله حیات حقاني، د هغوی له فعالیتونو خوښي څرګنده کړه، د لا زیاتو هڅو او فعالیتونو هیله یې وکړه او په ځینو مواردو کې یې ورته د لا ښه پرمختګ په موخه لارښوونې وکړې.
کندهار ولایت کې د کور او ښار جوړولو ریاست ته د ښاغلي وزیر په ورتګ سره د دغه ریاست د کار کوونکو روحیه لا پیاوړې او په چارو کې یې هوډ غښتلی شو.
تمه ده چې ګام په ګام په ولایتونو کې د کور او ښار جوړولو ریاستونو فعالیتونه و ارزول شي، ستونزې او ننګونې به یې حل شي او د لا زیات پرمختګ لپاره به ورته مناسبه زمینه برابره شي.
