د کندز ولايت کې له ۲۰۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د بانک برنامې له پيل راهېسې تر اوسه په کندز ولايت کې ۲۰۹ زره ۵۸۲ جريبه ځمکه او دولتي املاک سروې او ثبت کړي دي.
له دې ډلې په ۷۷ قطعو کې ۱۹۷۲۷۲ جريبه سپينه دولتي ځمکه او په ۲۱۵ قطعو کې ۱۲۳۱۰ جريبه د دولت تر استفادې لاندې عامه ملکيتونه دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۶۰۹۲ قطعو کې ۵ ميلیونه ۳۹۲ زره او ۷۹۴ جريبه ځمکه او دولتي املاک سروې، ثبت او نښه کړي دي.
