د سرپل ولايتي شورا اداري ودانۍ ورغول شوه
ښار جوړولو او ځمکو وزارت د ثبات تحکيم ملي برنامې له لارې د سرپل ولايتي شورا اداري ودانۍ د جوړولو چارې بشپړې کړې او ګټې اخېستنې ته يې وسپارله.
دا ودانۍ په ۷۱۰ متر مربع ځمکه کې په دوه پوړيز ډول چې ۸ کاري خونې، يو د غونډو تالار، يوه انتظار خونه، د ډوډۍ خوړلو يوه خونه، يو پخلنځای او ۹ بابه تشنابونه لري، د دولت له انکشافي بوديجې څخه په ۱۸ ميلیونه افغانيو ورغول شوه.
ښار جوړولو او ځمکو وزارت د ثبات تحکيم ملي برنامې له لارې د ټولګټو تاسيساتو په جوړولو او د زيربنايي پروژو په تطبيق سره هڅه کوي چې د هېواد په ګوټ ګوټ کې سيمهييزه حکومتولي پياوړې کړي چې له لارې به يې خلکو ته اساسي خدمات وړاندې شي.
