د خواجه موسی ولسوالۍ د تفصیلي پلان لپاره د سروې پروسه بشپړه شوه
۱۴۴۸/۳/۴
د کور او ښار جوړولو وزارت د سروې او جي ای ایس ریاست تخنیکي ټیم، د فاریاب ولایت د کور او ښار جوړولو ریاست له تخنیکي ټیم سره په همغږۍ، د خواجه موسی ولسوالۍ د تفصیلي پلان د ترتیب په موخه د ځمکې د سروې او توپوګرافي سروې ترسره او بشپړه کړه.
د سروې او تخنیکي بررسی پر مهال د اړوندې ځمکې موجوده وضعیت، حدود، مساحت او نور اړوند تخنیکي معلومات تثبیت او راټول شول، ترڅو د ترلاسه شوو معلوماتو پر بنسټ د یادې ولسوالۍ لپاره معیاري او د اړتیاوو مطابق تفصیلي پلان ترتیب شي.
د دې پروسې بشپړېدل به د خواجه موسی ولسوالۍ د منظمې پراختیا، ښاري تنظیم او راتلونکو بنسټیزو چارو لپاره د تفصیلي پلان د ترتیب زمینه برابره کړي.
