د پلعلم ښار د داخلي سړک د قیر اچونې له چارو څارنه وشوه
۱۴۴۸/۳/۴
د لوګر ولایت د کور او ښار جوړولو ریاست اړوند تخنیکي ټیم د یاد سړک د قیر اچونې چارو څخه څارنه وکړه، د څارنې پر مهال د سړک د قیر اچونې چارې په عملي ډول روانې وې او د کار د کیفیت او تخنیکي معیارونو د رعایت په موخه د پروژې د تطبیق بهیر له نږدې وکتل شو.
د سړک د قیر اچونې چارې به په راتلونکو څو ورځو کې بشپړې شي او له بشپړېدو وروسته به یاد سړک په رسمي ډول د ښاریانو د استفادې لپاره ګټې اخیستنې ته وسپارل شي.
د پلعلم ښار د داخلي سړک د رغونې پروژه د ښاریانو د تګ راتګ د اسانتیا، د ښار د داخلي ترانسپورتي بهیر د ښه والي او د ښاري زېربناوو د پیاوړتیا په برخه کې مهمه پروژه بلل کېږي.
د کور او ښار جوړولو ریاست تخنیکي ټیم د پروژې د تطبیق پر مهال قراردادي شرکت مسؤلینو ته لارښوونه کړې، چې د قیر اچونې چارې د تخنیکي معیارونو او پروژوي مشخصاتو مطابق ترسره او د کار کیفیت ته جدي پاملرنه وکړي.
د یادې پروژې له بشپړېدو سره به د پلعلم ښار د اوسېدونکو لپاره د تګراتګ په برخه کې د پام وړ اسانتیا رامنځته او د ښار د داخلي سړکونو د ترانسپورتي بهیر په ښه والي کې به اغېز ولري.
