د امیرالمؤمنین ملا محمد عمر مجاهد «رحمهالله» د مرحومې مور او مرحوم تره په مناسبت د دعا او فاتحې مراسم ترسره شول
۱۴۴۷/۶/۲۷
د کور او ښار جوړولو وزارت د مسکن، ودانیزو چارو او د برنامو د پراختیا محترم مرستیال الحاج مولوي ګل زرین صابر په هدایت په یاد معینیت کې د مرحوم امیرالمؤمنین ملا محمد عمر مجاهد «رحمهالله» د مرحومې مور او مرحوم تره مولوي محمد جمعه، د روح د خوشحالۍ په موخه د دعا او فاتحې مراسم ترسره شول.
په دغه مراسمو کې کې د وزارت اړوند رئیسانو، امرینو او کار کوونکو برخه اخیستې وه چې په کې د یاسین شریف ختم او فاتحه ولوستل شوه او د مرحومینو ارواحو ته یې دعاوې وکړې.
دغه راز دعا وشوه چې یاد ختم دې د الله په دربار کې قبول او ثواب دې یې د مسلمه امت ټولو وفات شوو مسلمانانو ته ورسېږي.
ترڅنګ یې د اسلامي نظام د بقا او پیاوړتیا دعاوې او الله ج ته عاجزانه او د مغفرت دعاوې وشوې.
د مرحوم ثالث عمر امیرالمؤمنین ملا محمد عمر مجاهد «رحمهالله» مرحومه مور او مرحوم تره مولوي محمد جمعه، څو ورځې وړاندې وفات شول او د زابل ولایت په سیوري ولسوالۍ کې د افغانستان د اسلامي امارت د لومړني رهبر او بنسټګر د زیارت ترڅنګ، په جلا جلا مراسمو کې خاورو ته وسپارل شول.
