د کابل ښار د خواجه رواش ښارګوټي له ښاري وضعیت څخه څارنه وشوه
۱۴۴۸/۳/۲۳
د کور او ښار جوړولو وزارت د کیفیت کنټرول او ښاري سرغړونو ته د رسېدنې عمومي ریاست اړوند د ښاري سرغړونو د محنیوي ریاست تخنیکي ټیمونو د کاري پلان له مخې، د کابل ښار د پنځلسمې ناحیې اړوند د خواجه رواش ښارګوټي له بېلابېلو برخو څخه څارنه او ارزونه وکړه.
د څارنې پر مهال د ښارګوټي د تفصیلي پلان، سوداګریزو او استوګنیزو برخو، عامه تأسیساتو، سړکونو، د فاضله اوبو شبکې او برېښنا شبکې وضعیت وکتل شو.
د څارنې په جریان کې څرګنده شوه چې په ځینو شنو ساحو، د موټرو تم ځایونو او پليلارو کې غرفې، هوټلونه او کراچۍ جوړې شوې دي.
د ښاري سرغړونو د مخنیوي ریاست له لوري د کاري پلان له مخې د ښارګوټو او استوګنیزو سیمو د څارنې او ارزونې بهیر په دوامدار ډول روان دی او د کابل ښار نور ښارګوټي او استوګنیزې سیمې به هم د ټاکل شوي پلان له مخې تر څارنې لاندې ونیول شي.
د دغو څارنو اساسي موخه د ښاري پلانونو دقیق تطبیق، د غیرمعیاري ګڼېګوڼې مخنیوی، د ودانیزو چارو د کیفیت لوړول، د ښارګوټو د تفصیلي پلانونو ساتنه او د ښاري مدیریت ښه والی دی.
