کابل کې د شمال سمت ترانسپورتي ترمینل د پېروزي هستوګنیزې پروژې په شاوخوا کې جوړېږي
۱۴۴۵/۹/۳۰
د ا.ا.ا د محترمې کابینې د ۱۴۴۵/۸/۲۲ نېټې د ۱۸ ګڼې مصوبې پر اساس کابل ښار کې د شته ترافیکي ګڼې ګوڼې د کچې راکمولو او ټاکل شوو ځایونو ته د هېوادوالو پر وخت رسېدو په موخه د کور او ښار جوړولو وزارت د محترم سرپرست وزیر شیخ حمدالله نعماني په مشرۍ، د ترانسپورت او هوایي چلند لوړرتبه مسؤلینو د پېروزي هستوګنیزې پروژې له خواوشا ځمکو لیدنه وکړه.
د لیدنې په مهال د ترانسپورت او هوایي چلند محترمو لوړ رتبه مسؤلینو د کابل دهسبز سیمه کې د پېروزي هستوګنیزې پروژې سره پیوند شمالي برخه کې لسګونه جریبه ځمکه باندې هوکړه وکړه، تر څو هلته یو منظم ترانسپورتي ترمینل جوړ او ګټې اخیستنې ته وسپارل شي.
د کور او ښار جوړولو وزارت محترم سرپرست وزیر شیخ حمدالله نعماني، د ترانسپورت او هوایي چلند وزارت ته یادونه وکړه، چې له کوچني اختر وروسته دې سمدستي د یاد ترمینل د جوړولو په موخه د ترانسپورتي اړتیاوو او مشخصاتو سره سم نقشه ترتیب او د تائید لپاره دې یې د کور او ښار جوړولو وزارت ته تسلیم کړي، چې د نقشې تر ویزه کېدو وروسته به یې ژر تر ژره عملي چارې د محترمې کابینې د پرېکړې سره سم د ترانسپورت او هوایي چلند وزارت له لوري پیل شي.
