په فراه کې د اطلاعاتو او کلتور ریاست په انګړ کې د مسجد شریف له ودانیزو چارو څارنه وشوه
۱۴۴۷/۱۱/۲۳
د فراه ولایت د کور او ښار جوړولو ریاست اړوند تخنیکي ټیم له لوري د اطلاعاتو او کلتور ریاست په انګړ کې د یو باب مسجد شریف د جوړولو له روانو چارو څخه ساحوي څارنه ترسره شوه.
یاده پروژه چې د ښار په دوهمه ناحیه کې موقعیت لري، چې چارې یې د خصوصي شرکت له لوري په ممخ وړل کیږي، د څارنې پر مهال د سنګ کارۍ د برخې د حلقوي بند (رینګ) لپاره د کانکریټ اچولو چارې روانې وې.
د څارنې په ترڅ کې د کار د کیفیت د ښه والي لپاره د پروژې مسوول انجنیر ته لازمې تخنیکي لارښوونې او سپارښتنې وشوې، څو ټولې چارې د منظور شوو تخنیکي اصولو سره سم ترسره شي.
د تخنیکي ارزونې له مخې، د پروژې عمومي پرمختګ تر دې مهاله شاوخوا ۲۱ سلنه ته رسېدلی دی.
