د کابل ښار په اتمه ناحیه کې د غوربندیانو غونډۍ د شنې او نامشخصې ساحې د وضعیت څارنه وشوه
۱۴۴۸/۵/۷
د کور او ښار جوړولو وزارت د کنټرول او کیفیت او د ښاري سرغړونو د مخنیوي عمومي ریاست اړوند د ښاري سرغړونو د مخنیوي ریاست تخنیکي ټيم د کاري پلان له مخې، د کابل ښار د اتمې ناحیې اړوند، د بګرامیو نساجۍ فابریکې مخې ته د غوربندیانو غونډۍ د شنې او نامشخصې ساحې وضعیت وڅاره او وڅېړه..
د څارنې په ترڅ کې د ساحې د موجوده وضعیت له مخې اړین معلومات او ارقام راټول شول، څو د نافذه قوانینو او اصولو په رڼا کې د راتلونکو پرېکړو لپاره وکارول شي.
د دغو څارنو موخه د شنو ساحو او پارکونو ساتنه، د ښاري پلانونو مطابق د ودانیزو چارو تنظیم، د بې رویه تراکم مخنیوی، د ښاري نظم ساتنه، د ګاونډیانو د خصوصي حریم او حقونو رعایت، د ودانیزو چارو د کیفیت لوړول او د ښاري مدیریت ښه والی دی.
د کور او ښار جوړولو وزارت اړوند تخنیکي ټیمونه د ښاري نظم د تأمین، د شنو ساحو او پارکونو د ساتنې او د ښاري سرغړونو د مخنیوي په موخه د کابل ښار په ټولو ناحیو کې خپلې دوامدارې څارنې ترسره کوي او د هر ډول سرغړونې په صورت کې به د نافذه قوانینو له مخې لازم اقدامات ترسره شي.
