د کابل حلقوي سړک پروژې په مسير کې د ۷۰۰ جريبه شخصي او دولتي ځمکې د مالکيت حق تثبيت وشو
ښار جوړولو او ځمکو وزارت د کابل حلقوي سړک پروژې په مسير کې په لومړي فيز کې د جايدادونو د مالکيت حق د تثبيت شمېر تر ۷۰۰ جريبه پورې رسولی.
په دې ډله کې ۱۰۵ جريبه شخصي ملکيتونه او ۶۴ جريبه دولتي ځمکه ده چې د قلعه فتوح سيمې په شاوخوا کې موقعيت لري.
د کابل حلقوي سړک د ۲۰۷ کيلو متر په اوږدوالي سره په لومړي فيز کې د کابل – کندهار لويې لارې په امتداد له عبدالعلي قريې څخه پيليږي او له مهديه ښارګوټي او قروغ غرونو څخه تيريږي او بيا د کابل – لوګر له لويې لارې سره وصلیږي.
