د هرات په ګذرې ولسوالۍ کې د فتح خان لیسې د جوړولو چارې پیل شوې
ښارجوړولو او ځمکو وزارت د هرات ولایت په ګذرې ولسوالۍ کې د فتح خان لیسې د جوړولو چارې پیل کړې.
دا درې پوړیزه لیسه ۲۴ درسي خونې، د محافظینو یو خونې، د پاکو ابو یوې څاه او د کانکریټي پلي لارو په درلودلو سره په ۷۰۰ متر مربع ځمکه کې د ښارجوړولو او ځمکو وزارت د ۳۰ میلیونه و ۸۰۰ زره افغانیو په ارزښت جوړیږي.
د هرات په ګذرې ولسوالۍ کې د دې لیسې په جوړولو سره د مناسب تعلیمي چاپریال د نشتون په برخه کې به د ډېرو زده کوونکو او ښوونکو ستونزه هواره شي او همداراز زده کوونکو ته به د زده کړو مناسبه زمینه هم برابره شي.
