د کاپيسا اداري کمپلکس د احاطوي دېوال او د محافظتي برجونو د جوړېدو چارې بشپړې شوې
د ښار جوړولو او ځمکو وزارت د کاپيسا ولايت اداري کمپلکس د احاطې ديوال او محافظتي برجونو د جوړېدو چارې بشپړې کړې.
د دې ودانۍ د احاطې ديوال ۳۰۰۰ متره اوږدوالي لري چې له محافظتي ديوال سره يو ځای پرې ۳۶ ميلیونه ۱۰۰زره افغانۍ لګښت راغلی.
ياد لګښت د ښار جوړولو او ځمکو وزارت له انکشافي بوديجې څخه ورکول کيږي. کاپيسا ولايت کې د دې اداري کمپلکس په جوړېدو سره به ټولو کارکوونکو ته د کار مناسب چاپېريال برابر او له دې لارې به خلک خدماتو ته په اسانه، چټک او شفاف ډول لاسرسی پيدا کړي.
