تازه؛ په اوو ولایتونو کې ۸۹۸ راستنو شویو مهاجرو کورنیو ته د استوګنې نمرې ووېشل شوې
۱۴۴۷/۱۲/۲۲
د کور او ښار جوړولو وزارت په مشرۍ د مهاجرینو د دایمي مېشتېدنې او ځمکو وېش کمېټې له لوري، په اوو ولایتونو کې ۸۹۸ راستنو شویو مهاجرو کورنیو ته د استوګنې نمرې ووېشلې.
د ورکړل شوو معلوماتو له مخې، په ننګرهار ولایت کې ۳۰۵ کورنیو ته، په فراه ولایت کې ۱۰۶ کورنیو ته، په هلمند ولایت کې ۱۲۷ کورنیو ته، په غزني ولایت کې ۵۰ کورنیو ته، په نیمروز ولایت کې ۱۰۰ کورنیو ته، په پکتیکا ولایت کې ۱۰۰ کورنیو ته او په فاریاب ولایت کې ۱۱۰ راستنو شویو مهاجرو کورنیو ته د استوګنې نمرې وسپارل شوې.
په ټوله کې د تیرې یکشنبې ورځې په جریان کې ۸۹۸ راستنو شویو کورنیو ته د دایمي استوګنې لپاره د ځمکو نمرې ووېشل شوې، چې تر دې مهاله د وېشل شوو نمرو ټول شمېر ۴۰۴۱۳ ته رسېدلی دی.
د مهاجرینو د دایمي مېشتېدنې او ځمکو وېش کمېټه ټینګار کوي چې د راستنو شویو هېوادوالو د ملاتړ، د دایمي مېشتېدنې او د ژوند د اسانتیاوو د برابرولو بهیر به په چټکۍ سره دوام ولري.
