په دايکنډي ولايت کې ۳۵ جريبه ځمکه استرداد شوه
د ښار جوړولو او ځمکو وزارت د دولتي ځمکو د استرداد په لړ کې دا ځل په دايکنډي ولایت کې ۳۵ جريبه دولتي ځمکه د غاصبينو له منګولو خلاصه کړه.
دا ټوټه ځمکه د دايکنډي ولايت د ميرامور ولسوالي په فولاد قريه کې موقعيت لري چې له څو کلونو راهېسې د غاصبينو په ولکه کې وه، خو د ښار جوړولو او ځمکو وزارت په زیار تر استرداد وروسته ترې د موثرې او معقولې استفادې لپاره زمينه برابره شوه.
د ښار جوړولو او ځمکو وزارت په ټول هېواد کې تر اوسه ۵۰۰ زره جريبه ځمکه د غاصبينو له منګولو خلاصه کړې او د موثرې استفادې لپاره يې چمتو کړې ده.
