د لوګر پوهنتون د داخلي سړکونو د جوړولو چارې ۶۰ سلنه بشپړې شوې دي
۱۴۴۷/۱۲/۰۷
د لوګر ولایت د کور او ښار جوړولو ریاست انجینري ټیم، د لوګر پوهنتون د داخلي سړکونو د جوړولو له روانو چارو څخه تخنیکي نظارت ترسره کړ.
د یادې پروژې ودانیزې چارې تر دې مهاله شاوخوا ۶۰ سلنه بشپړې شوې دي او کارونه د منظور شوې نقشې او تخنیکي معیارونو مطابق پرمخ روان دي.
په یاده پروژه کې د داخلي سړکونو ترڅنګ پلې لارې، ګلدانونه او د اوبو رسولو منظم سیستم هم شامل دي، چې موخه یې د پوهنتون چاپېریال معیاري کول او محصلینو ته د مناسبې زیربنا برابرول دي.
د پروژې مالي لګښت د لوړو زده کړو وزارت له ځانګړې بودیجې څخه ورکول کېږي او د چارو تخنیکي نظارت به تر بشپړېدو پورې دوام ولري، څو ټول کارونه د انجینري اصولو او ټاکل شوو معیارونو مطابق ترسره شي.
