په سمنګان ولایت کې د دواب د هلکانو منځني ښوونځي د احاطوي دیوال د جوړېدو چارې پیل شوې
۱۴۴۷/۴/۱
د سمنګان ولایت د کور او ښار جوړولو ریاست محترم رئیس مولوي محمد امین نوري وایي د دې ریاست اړوند تخنیکي ټیم د دواب ولسوالۍ د هلکانو منځني ښوونځي د احاطوي دیوال د جوړېدو د خط اچونې چارې ترسره کړې.
ښاغلي مولوي نوري وویل، دغه پروژه د معارف ریاست د استازي، د دوآب ولسوالۍ د چارواکو او د کور او ښار جوړولو ریاست د تخنیکي استازي په حضور کې د قراردادي شرکت مسؤلینو ته د عملي کار لپاره تسلیم شوه او د منظور شوې نقشې مطابق یې خط اچونه ترسره شوه.
د نوموړي په خبره،د تخنیکي ټیم له لوري د شرکت مسؤلینو ته سپارښتنه وشوه چې د پروژې د عملي کولو پر مهال دې ټول انجینري معیارونه او تخنیکي مشخصات په دقت مراعات کړي.
د کور او ښار جوړولو ریاست په همغږۍ کې د معارف ریاست د ښوونیزو ودانیو د خوندي کولو او معیاري کولو لپاره په بېلابېلو سیمو کې د احاطوي دیوالونو د جوړېدو پروژې عملي کوي. د سمنګان ولایت په دوآب ولسوالۍ کې د دې احاطوي دیوال جوړېدل به د زده کوونکو د خوندیتوب ترڅنګ د ښوونځي چاپېریال منظم او معیاري کړي.
