د کندهار پوهنتون د سړکونو، ويالو او پلچکونو د پروژې له چارو څارنه وشوه
۱۴۴۶/۰۹/۱۶
کندهار ولایت کې د کور او ښار جوړولو ریاست محترم رئیس مولوي عبدالمتین سعید وایي، انجنیرانو یې د دغه ولایت د ښار په نهمه ناحيه کې د پوهنتون اړوند د سړکونو، ويالو او پلچکونو د پروژې له چارو څارنه وکړه.
ښاغلی مولوي سعید وایي، دغه پروژه چې څه د پاسه څوارلس میلیونه افغانۍ لګښت پرې راځي، دمګړۍ یې ودانیزې چارې روانې دي.
نوموړی وایي د سړک د قیر ازموینه یې ترسره کړه چې، د سړک ضخامت او مقاومت یې معلوم کړ.
د کور او ښار جوړولو وزارت د پروژو له چارو څارنه کوي، تر څو چارې معیاري سرته ورسېږي.
