لوګر ولایت کې لسګونه جریبه نوره ځمکه هم سروې شوه
۱۴۴۶/۸/۴
د کور او ښار جوړولو وزارت د سروې او جي ای، ایس ریاست محترم رئیس حافظ انجنیر محمد یو سف لطیف وایي، د ریاست اړوند تخنیکي او مسلکي ټیم یې لوګر ولایت کې (100.97) جریبه ځمکه توپوګرافي سروې کړه.
ښاغلی انجنیر لطیف وایي، یاد ټیم یې دغه ځمکې د لوګر ولایت په برکي برک پادخاب روغني بازار کې (69.815) جریبه ځمکه او په نه برجه بازار کې (31.155) جریبه ځمکه سروې کړه.
نوموړی وایي، له دغې سروې یې موخه دا وه چې د یادې ساحې لپاره تفصلي پلان ترتیب شي.
د کور او ښار جوړولو وزارت له ځمکو د سمې استفادې په موخه سروې کوي او بیا یې د ټولګټو پروژو د تطبیق لپاره چمتو کوي.
