لغمان ولایت کې د ښاري تخلفاتو څو بېلګې په ګوته او مخنیوی یې وشو
۱۴۴۶/۰۶/۱۲
د ښاري تخلفاتو د مخنیوي ریاست محترم رئیس مولوي عبدالمنان حقاني وایي، لغمان ولایت کې د دغه ریاست اړوند تخنیکي او مسلکي ټیم د (R1) تفصیلي پلان د تطبیق لپاره په ساحه کې څارنه وکړه، چې په خبره یې د څارنې په مهال یو شمېر خپل سري ساختماني فعالیتونه ولیدل شول چې د ښاري اصولو خلاف وو.
ښاغلی مولوي حقاني وایي، د انجینرۍ اړوند ټیم له لوري د یادو ودانیو مالکینو ته د ښاري سرغړونو په اړه خبرتیا ورکړه او غوښتنه یې ترې وکړه چې ودانیزې چارې باید د ښاري قوانینو په رڼا کې ترسره شي.
دغه راز، نوموړی وایي، ښاري سرغړونکو ته د ساختماني نقشو جوړولو او د دې نقشو د ویزه کولو په اړه لازمې لارښوونې وشوې.
د کور او ښار جوړولو وزارت ژمن دی، چې د نورو ښارونو سربېره په مهترلام ښار کې د ښاري نظم د ساتلو او د پراختیایي پلانونو د تطبیق لپاره خپل فعالیتونه لا زیات کړي.
