د کابل په اولسمه ناحیه کې د جهان پارک د جوړېدو چارې ښایي وځڼډېږي
۱۴۴۵/۹/۱۴
د کور او ښار جوړولو وزارت د محترم سرپرست وزیر شیخ حمدالله نعماني په مشرۍ د کابل ښاروالۍ، کرنې وزارت، چاپیریال ساتنې ادارې، او د اوبو او انرژۍ وزارت استازو ناسته وکړه.
په یاده ناسته کې، د کابل ښار په اولسمه ناحیه کې د جهان پارک په اړه بحث وشو چې هر لوري خپل خپل دلایل او نظریات وړاندې کړل.
د کرنې وزارت د اراضۍ استازي یادونه وکړه چې تر اوسه یاده ځمکه د کابل ښاروالۍ ته نه ده انتقال شوې.
ورپسې د اوبو او انرژۍ وزارت استازي یادونه وکړه چې په یاده سیمه کې د اوبو سرچینې کمې دي او یوازې د تر ځمکې لاندې اوبه چې هغه هم په ډیرو ستونزو د رهایشي ځایونو لپاره استعمالېږي او په خبره یې په ټوله کې د اوس مهال لپاره هلته داسې پارک جوړول چې د زېرمو اوبه ظرفیت ونه لري، غیر تخنیکي کار دی.
د ناستې په پای کې کمېټې پرېکړه وکړه چې د یادې پروژې د تطبیق چارې دې تر هغې وځنډېږي، تر څو د اوبو سرچینې برابرېږي.
