د کاپیسا ولایت د احمد بیک تپې د زیر بنایي شبکو د اصلاحي پلان طرحه او ډیزاین تائید شو
1444/10/10
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني د کاپیسا ولایت د نجراب ولسوالۍ د احمد بیک تپې د زیر بنایي شبکو د اصلاحي پلان طرحه او ډیزاین تائید کړ.
د احمد بیک تپې د زیربناي شبکو اصلاحي طرحه او پلان کې سړک جوړونه، اوبو رسونه، فاضله اوبه، برښنا، د سطحي اوبو مخنیوی، د فاضله اوبو تصفیه خونه او د جادو د روښانه کولو پلان شامل دي.
د ښاري چارو محترم مرستیال د ښاري زیربناو ډیزاین ریاست څخه د کاپیسا ولایت د نجراب ولسوالۍ د احمد بیک تپې د زیربنایي شبکو د طرحې او ډیزاین د جوړیدو په پار مننه وکړه او زیاته یې کړه چې د دې طرحو د تائید سره به هلته د اقتصادي پراختیا او ټولنیزه اسوده ګي را منځته شي.
