د ښار جوړولو او ځمکو وزارت تدارکاتي اړتیاوې ترتیب بندي کېږي
۱۴۴۳/۱۰/۲۵
د ښار جوړولو او ځمکو وزارت محترم مالي او اداري مرستیال حافظ محمد امین فاروقي د یاد وزارت د تدارکاتو، مالي او اداري ریاست له مسؤلینو او امرینو سره ناسته وکړه.
په دغه ناسته کې د دغه وزارت بودېجې ته په کتو د وزارت اړوند تدارکاتي اړتیاوو باندې بحث وشو چې څنګه کېدای شي مهم او اړین تدارکاتي مواردو ته لومړیتوب ورکړل شي.
ښاغلي محمد امین فاروقي، مالي، اداري او د تدارکاتو رییسانو ته په خطاب کې وویل، چې اوسنۍ بودیجه ټوله د داخلي عوایدو څخه لاسته راغلې او هېڅ بهرنۍ مرسته په کې نشته، چې د تېر په پرتله کمه ده، بناءً د وزارت بودیجې ته په کتو په تدارکاتي مواردو کې له احتیاط کار واخېستل شي.
ښاغلي مالي او اداري مرستیال زیاته کړه، ټول ریاستونه دې خپلې اړتیاوې اولویت بندي کړي او رسماً دې د تدارکاتو ریاست ته واستوي، چې یاد ریاست د اصولو سره سم اقدامات وکړي.
