هرات کې د دوه روغتيايي او پوهنیزو پروژو رغنیزې چارې دوام لري
ښارجوړولو او ځمکو وزارت د هرات ولایت په غوریان ولسوالۍ کې د امام ابوحنیفې مدرسې رغنیزې چارې ۶۵ سلنه او د دې ولایت په ګذرې ولسوالۍ کې د صحي محصولاتو او درملو د ازمویلو لابراتوار ودانۍ رغنیزې چارې ۸۰ سلنه بشپړې کړي دي.
د امام ابوحنفې مدرسه په ۶۰۹ متر مربع ځمکه کې په یو پوړ د ۱۲ میلیونه او ۲۰۰ زره افغانیو په ارزښت د پوهنې وزارت له پراختیايي بودیجې او د صحي محصولاتو او درملو د ازمویلو لابراتوار په ۱۲۵۰ متر مربع ځمکه کې په درې پوړونو د ۱۱۷ میلیونه او ۴۰۰ زره افغانیو په ارزښت د عامې روغتیا وزارت له پراختیايي بودیجې جوړیږي.
ښارجوړولو او ځمکو وزارت د صحي، تعلیمي او د دولت پراختیايي پروژو په تطبیق سره هېواد والو ته د خدماتو رسولو کچه لوړه کړې او په دې برخه کې یې خلکو ته لازمې اسانتیاوې برابرې کړي دي.
