په کابل ښار کې د ودانیزو پروژو د تطبیق څارنه ترسره شوه
۱۴۴۷/۷/۳
د ښاري سرغړونو د مخنیوي عمومي ریاست تخنیکي ټیمونو، د وزارت د لارښوونې له مخې، د کابل ښار د روانو ودانیزو پروژو څارنه وکړه.
د ښاري سرغړونو د مخنیوي ریاست محترم رئیس وویل، څارنه په کارته سخي او کارته چهار کې ترسره شوه او د ښار نورو سیمو څارنه به په راتلونکو ورځو کې هم دوام وکړي.
ښاغلي رئیس وویل، په هغو پروژو کې چې د تصویب شوو پلانونو یا نافذه قوانینو څخه احتمالي سرغړونې لیدل شوې، د مالکینو څخه غوښتنه وشوه چې رسمي اسناد او جوازونه دې ریاست ته وړاندې کړي، څو د کره ارزونې وروسته قانوني اقدامات ترسره شي.
د نوموړي په خبره، د څارنې هدف د ښاري پلانونو سم تطبیق، د بې ځایه ګڼې ګوڼې مخنیوی، د ښاري بې نظمۍ راکمول، د ودانیزو چارو کیفیت لوړول او د ښاري مدیریت ښه والی دی، چې د څارنې بهیر د ریاست د لارښوونې په چوکاټ کې دوام لري او د هر ډول سرغړونې په صورت کې به قانوني اقدام کېږي.
