په میدان وردک کې د اداري کمپلکس توپوګرافي سروې تر سره شوه
۱۴۴۶/۱۲/۱۹
د کور او ښار جوړولو وزارت د سروې او جي ای ایس ریاست محترم رئیس حافظ انجنیر محمد یوسف لطیف وایي، تخنیکي ټیم یې په میدان وردک کې د اداري کمپلکس لپاره (۱۶۳) جریبه ځمګه توپوګرافي سروې کړه.
ښاغلی حافظ لطیف وایي، له دغې سروې یې موخه دا ده چې د دې اداري کمپلکس لپاره تفصیلي پلان ترتیب شي.
دغه سروې به د هغو تخنیکي معلوماتو راټولولو ته زمینه برابره کړي چې د اداري کمپلکس تفصیلي پلان جوړولو، پراختیایي خدماتو او بنسټیزو تأسیساتو لپاره اړین دي.
ټاکل شوې ده چې د سروې پایلې به په وزارت کې له اړوندو ریاستونو سره شریکې شي، څو یې پر بنسټ د اداري کمپلکس لپاره یو مناسب، منظم او د اړتیاوو مطابق تفصیلي پلان جوړ شي.
