په لغمان کې د یوې ښځینه لیلې د رغولو چارې روانې دي
ښار جوړولو او ځمکو وزارت د لغمان ولایت په سلطان غازي بابا ښارګوټي کې د ښځینه دارالعلوم لیلې د رغولو چارې ۷۵ سلنه بشپړې کړې دي.
دا ودانۍ پر ۴۷۵ متر مربع مساحت ځمکه، په دوو پوړونو کې د ۱۶ مېلیونه او ۹۰۰ زره افغانیو مالي لګښت د ښار جوړولو او ځمکو وزارت پراختیايي بودجې لهخوا رغول کېږي.
ښار جوړولو او ځمکو وزارت د هېواد په کچه د جوماتونو، روغتیايي کلینیکونو، دولتي ادارو، لوبغالو، کتابتونونو ، موزیم، وړکتونونو او ښوونیزو او روزنیزو ودانیو د رغولو په برخه کې د پام وړ کار کړی او د ټولګټو ودانیو رغونه د دې وزارت په لومړیتوب کې ده.
